ប្រាសាទបន្ទាយស្រីដំដែក
ប្រាសាទបន្ទាយស្រីមានទីតាំងស្ថិតនៅភូមិបន្ទាយស្រី ឃុំដំដែក ស្រុកសូទ្រនិគម ក្នុងបរិវេណវត្ដប្រាសាទបន្ទាយស្រី ចម្ងាយប្រមាណ ៣៤ គីឡូម៉ែត្រ នៅទិសខាងកើតទីរួមខេត្ដសៀមរាប និងមានទីតាំងនៅចំណុច UTM (X: 131521, Y: 10407207) ។ ប្រាសាទនេះជាសំណង់ទោលបែរមុខទៅទិសខាងកើត និងមានហោត្រៃ (មន្ទីរតម្កល់គម្ពីរផ្សេងៗ, បណ្ណាល័យ) ពីរបែរមុខទៅទិសខាងលិច ដែលបច្ចុប្បន្នរលំបាក់បែកអស់ហើយ ។ សម្ភារៈសំណង់មានថ្មភក់ ថ្មបាយក្រៀម និងឥដ្ឋ ហើយមានភាពទ្រុឌទ្រោមខ្លាំងបណ្ដាលមកពីធម្មជាតិ និងមនុស្សជីកកកាយរកវត្ថុបុរាណ និងការបោះបង់ចោលមិនមានថែរក្សាឱ្យបានដិតដល់ជាយូរមកហើយ ។ ប្លង់តូបប៉មកណ្ដាលមានរាងការ៉េមានទ្វារចូលបួនទិស និងរានហាលរាងកាកបាទ សង់នៅទីទម្រពីរជាន់ និងមានកំពែងព័ទ្ធជុំវិញបីជាន់ ។ អត្ថបទលោក Lunet de La jonqiére បានរៀបរាប់ត្រឹមតែកំពែងទី១ និងទី២ប៉ុណ្ណោះ ។ នេះប្រហែលជាលោកមិនបានសង្កេតឃើញស្នាមទាំងនោះទេ ។
ប្រាសាទបន្ទាយស្រីពុំមានសិលាចារឹកប្រាប់អំពីកាលបរិច្ឆេទអ្វីទាំងអស់ ។ ហេតុនេះឆ្លងតាមការស្រាវជ្រាវកន្លងមក និងការប្រៀបធៀបលើសំណង់ស្ថាបត្យកម្ម និងរចនាសម្ព័ន្ធប្រាសាទ គឺប្រាសាទនេះមានលក្ខណៈដូចប្រាសាទតាកែវ ភិមានអាកាស ភ្នំជីសូរ ឯកភ្នំ ដែលជាសំណង់សាងឡើងនៅសតវត្សទី១១ ក្នុងរចនាប័ទ្មឃ្លាំងរាជ្យព្រះបាទសូរ្យវរ្ម័នទី១ ។ ម្យ៉ាងវិញទៀតបើយោងតាមអ្នកស្រី Coral Rémusat ដែលបានធ្វើការសិក្សាទៅលើសំណង់ស្ថាបត្យកម្ម និងការតុបតែងលម្អបានចាត់ចូលប្រាសាទនេះទៅក្នុងរចនាប័ទ្មឃ្លាំង ដោយសម្អាងលើហោជាង ផ្ដែរ ទ្វារ សសរពេជ្រ សសរផ្អោប និងបដិមាសាស្ដ្រ ។
សព្វថ្ងៃប្រាសាទបន្ទាយស្រីដំដែក ស្ថិតនៅក្រោមការគ្រប់គ្រង និងទទួលខុសត្រូវរបស់នាយកដ្ឋានអភិរក្សប្រាសាទក្រៅឧទ្យានអង្គរនៃអាជ្ញាធរអប្សរា ។ ក្រុមការងាររបស់នាយកដ្ឋានបានរៀបចំគំរោងយុទ្ធសាស្ដ្រតាមដំណាក់កាលនីមួយៗ ដើម្បីសង្គ្រោះប្រាសាទនេះពីការបំផ្លាញដោយដើមឈើតូច ធំ សត្វ និងសកម្មភាពទុច្ចរិតរបស់មនុស្ស ៕
ប្រាសាទបន្ទាយស្រីដំដែក មើលពីលើផ្លូវចូលវត្តបន្ទាយស្រីផ្នែកខាងត្បូង
ស្លាកសញ្ញានេះត្រូវបានគេចងព្យួរលើរបងក្បែរផ្លូវចូលទៅកាន់ប្រាសាទពីទិសខាងកើត
គោបុរៈទី១ និងតួប្រាសាទបន្ទាយស្រីដំដែក មើលពីទិសខាងកើត
ខ្ទមអ្នកតានេះ ជាខ្ទមអ្នកតាចិន ស្ថិតនៅទិសឥសាននៃប្រាសាទបន្ទាយស្រីដំដែក
តួប្រាសាទបន្ទាយស្រីដំដែក មើលពីទិសខាងកើត
តួប្រាសាទបន្ទាយស្រីដំដែក មើលពីទិសនីរតី
ដើមឈើដុះនៅលើតួប្រាសាទបន្ទាយស្រីដំដែក (ថ្ងៃទី២២ មីនា ២០០៩)
តួប្រាសាទបន្ទាយស្រីដំដែក មើលពីទិសខាងលិច
ទួលគ្រឹះបណ្ណាល័យខាងជើង
ជ្រុងមួយនៃបរិវេណប្រាសាទបន្ទាយស្រីដំដែក មើលពីខាងលិច
គោបុរៈទី១ខាងកើត មើលពីទិសខាងកើត
គោបុរៈទី១ខាងកើត មើលពីទិសខាងលិច
គោបុរៈទី១ខាងជើង មើលពីទិសខាងត្បូង
ដើមឈើនៅគោបុរៈទី១ខាងជើងនេះ ត្រូវបានគេកាប់ និងលូតលាស់ឡើងវិញច្រើនដង ធ្វើឲ្យមានមានពក និងមានរូបរាងចម្លែក
គោបុរៈទី១ខាងលិច មើលពីទិសខាងលិច
កំពែងទី១នៃប្រាសាទបន្ទាយស្រីដំដែក មើលពីខាងត្បូងឆៀងខាងលិច
គោបុរៈទី២ខាងលិច មើលពីទិសខាងកើត
បំណែកសេសសល់នៃសំណង់គោបុរៈទី២ខាងលិច
ចម្លាក់មិនទាន់រួចរាល់នៅគោបុរៈទី២ខាងលិចនៃប្រាសាទបន្ទាយស្រីដំដែក
បំណែកចម្លាក់សត្វតោនៅប្រាសាទបន្ទាយស្រីដំដែក
បំណែកហោជាងនៅប្រាសាទបន្ទាយស្រីដំដែក
ចម្លាក់នៅលើផ្ដែនៃប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
ក្បាច់ផ្កាភ្ញីនៅប្រាសាទបន្ទាយស្រីដំដែក
